Hér er allskonar um okkur

Við erum Hulda Tölgyes sálfræðingur og Þorsteinn V. Einarsson kynjafræðingur. Við störfum saman og í sitthvoru lagi. Hulda starfar við klíníska meðferð sem sálfræðingur, námskeiðahald, fyrirlestra og kennslu. Þorsteinn starfar aðallega við fyrirlestra og ráðgjöf í jafnréttismálum ásamt því að sjá um hlaðvarpið og samfélagsmiðilinn Karlmennskan. Hulda miðlar sálfræðilegu fræðsluefni á samfélagsmiðlum undir nafninu @Hulda.Tolgyes.

Við eigum saman félagið Mildi og mennska slf. sem heldur utan um allt okkar starf og sá um útgáfu á bókinni okkar Þriðja vaktin – Jafnréttishandbók heimilisins. Við erum líka hjón, höfum verið saman í tíu ár og eigum saman þrjú börn og einn hund.

sálfræðingur MSc

Ég starfa sjálfstætt sem sálfræðingur og held utan um Instagram reikning (@hulda.tolgyes) þar sem ég miðla einföldu en hagnýtu fræðsluefni til að stuðla að sjálfsmildi í kröfuhörðum heimi.

Ég sinni einstaklingsmeðferð, fyrirlestrum og fræðsluerindum fyrir hópa, stofnanir og fyrirtæki.

Menntun:

BSc í sálfræði, MSc diplóma í sálfræði uppeldis og menntunar, MSc í klínískri sálfræði.

Ég starfa með leyfi frá Landlæknisembættinu til að veita klíníska meðferð.

Hulda Tölgyes

  • Í einstaklingsmeðferð vinn ég aðallega með kvíðaraskanir, þunglyndi, áfallastreitu, flókna áfallastreitu, streitu og lágt sjálfsmat. Ég notast við hugræna atferlismeðferð og EMDR meðferð, eftir því sem við á hverju sinni og legg áherslu á sjálfsmildi og samkennd í eigin garð (self-compassion).

    Í fyrirlestrum og fræðsluerindum hef ég meðal annars fjallað um:

    Að segja nei og setja mörk

    Líðan kvenna á meðgöngu og eftir barnsburð

    Þriðju vaktina eða hugræna byrði

    Tilfinningar og sjálfsmildi

    Foreldrahlutverkið, tengsl og tilfinningar

    Kvíða og áhyggjur

    Netfang: huldatolgyes@gmail.com

Þorsteinn V. Einarsson

kynjafræðingur og kennari

Ég starfaði við fyrirlestra- og námskeiðahald í jafnréttismálum fyrir vinnustaði, foreldrahópa og í grunn- og framhaldsskólum í sjö ár. Í janúar 2025 hóf ég störf sem kennari við Menntaskólann í Kópavogi og held úti hlaðvarpinu Karlmennskan.

Menntun:

B.Ed. í grunnskólakennarafræðum með kennsluréttindi

M.A. í kynjafræði

  • Verkefni á undanförnum árum:

    Umsjón með jafnréttisfræðslu fyrir starfsfólk Landspítalans.

    Fyrirlestrar í flestum grunn- og framhaldsskólum á Íslandi.

    Fyrirlestrar í mörgum af stærstu fyrirtækjum á Íslandi.

    Stundakennsla við LHÍ.

    Námskeið fyrir stjórnendur Norðurál.

    Námskeið fyrir pör um þriðju vaktina.

    Fræðslumyndbönd með UNG-RÚV.

    Styrktarverkefni úr Jafnréttissjóði Íslands.

    Pistla- og greinaskrif fyrir Stundina.

    Fræðsluþættir fyrir Stundina.

    Stofnaði samfélagsmiðilinn Karlmennskan.

    Upphafsmaður #karlmennskan á Twitter.

    Fyrri starfsreynsla:

    Deildarstjóri félagsmiðstöðva í Reykjavík.

    Stjórnarmaður í Starfsmannafélagi Reykjavíkurborgar.

    Forstöðumaður félagsmiðstöðva í Reykjavík.

    Leiðbeinandi í félagsmiðstöð.

    Stuðningsfulltrúi í grunnskóla.

    Kassastarfsmaður í Krónunni og lagerstarfsmaður í bakaríi.

    Önnur reynsla:

    Trúnaðarmaður starfsfólks Skóla- og frístundasviðs Reykjavíkurborgar.

    Samninganefnd St.Rv.

    100 leikir með meistaraflokki í knattspyrnu

    7 unglingalandsliðs leikir.